Byenvini nan Voie d'Espoir.

Dèyè chak non, chak dokiman ak chak kesyon ki poko jwenn repons, gen yon istwa. Voie d’Espoir akonpaye moun ki fèt ann Ayiti epi ki te adopte, ki vle chèche konnen orijin yo, ansanm ak fanmi biyolojik k ap chèche repons. Nou ede chèche lyen familyal, verifye enfòmasyon, fasilite premye kontak epi akonpaye chak moun nan diferan etap demach la.Paske konnen kote w soti ka ede w konprann pi byen kiyès ou ye.

Dèyè chak rechèch, gen yon istwa. Dèyè chak istwa, gen moun ki merite jwenn akonpayman.

Kesyon moun poze souvan (FAQ)

• 1. Kisa Voie d’Espoir ye?

  Voie d’Espoir se yon òganizasyon ayisyen ki espesyalize nan rechèch orijin ak akonpayman moun ki fèt ann Ayiti epi yo te adopte aletranje, ansanm ak fanmi biyolojik yo. Misyon nou se fasilite rechèch yo, ede moun rekonstwi istwa fanmi yo epi akonpaye yo nan demach pou yo rekonekte ak orijin yo.

• 2. Ki moun ki kapab jwenn akonpayman nan Voie d’Espoir?

  Sèvis nou yo fèt sitou pou moun ki gen orijin ayisyen epi ki te adopte, ki vle chèche fanmi biyolojik yo, ansanm ak fanmi biyolojik ann Ayiti ki swete pitit yo oswa lòt pwòch yo kapab jwenn yo. Nou akonpaye moun yo tou nan pwosesis rekoneksyon ak retrouvailles familyal.

• 3. Mwen se yon moun ki fèt ann Ayiti epi yo te adopte m. Kijan mwen kapab jwenn fanmi biyolojik mwen?

  Ou kapab kòmanse lè w kreye yon pwofil sou platfòm nou an epi voye enfòmasyon ak dokiman ou genyen yo ban nou. Ekip nou an ap egzamine demann ou an, evalye posiblite rechèch yo epi fè w konnen pwochen etap yo.

• 4. M ap chèche yon pitit oswa yon pwòch yo te bay an adopsyon. Kijan mwen kapab enskri?

  Fanmi biyolojik yo kapab enskri nan Voie d’Espoir, sitou nan pwen akèy ak anrejistreman nou yo ann Ayiti. Nou ranmase enfòmasyon ak dokiman ki disponib yo, ansanm ak foto, lè sa posib, pou fasilite yon rechèch alavni. Enskripsyon an pa vle di nou garanti n ap jwenn moun w ap chèche a.

• 5. Ki dokiman mwen bezwen pou m kòmanse yon rechèch?

  Nenpòt dokiman ki kapab ede nan rechèch ou a ap itil. Pa egzanp: batistè, jijman adopsyon, dosye adopsyon, ansyen foto, non paran biyolojik yo, enfòmasyon sou yon òfelina oswa kontak moun ki te patisipe nan pwosesis adopsyon an. Ou kapab kontakte nou menm si ou pa gen anpil enfòmasyon.

• 6. Èske mwen kapab jwenn fanmi mwen menm si mwen pa gen dokiman adopsyon?

  Wi. Gen rechèch ki kapab kòmanse avèk kèk enfòmasyon sèlman, tankou yon prenon, yon dat oswa yon kote ou fèt, yon foto oswa yon souvni. Sepandan, posiblite pou fè rechèch la depann de enfòmasyon ki disponib ak verifikasyon nou kapab reyalize.

Istwa w merite pou yo tande l.

Èske w ap chèche konnen orijin ou oswa ou ta renmen anrejistre fanmi w? Voie d’Espoir la pou akonpaye w nan chak etap demach ou yo.