Anrejistreman Fanmi Byolojik

        w ap chèche yon pitit ou te bay pou adopsyon?

                                                       Enskri nan Voie d'Espoir.

Èske w se manman, papa, frè, sè oswa yon lòt manm fanmi yon moun ki te fèt ann Ayiti epi yo te adopte l? Voie d'Espoir akonpaye w nan demach pou w chèche orijin fanmi w. Òganizasyon an ba w posiblite pou w anrejistre enfòmasyon ou genyen yo, yon fason pou fasilite rechèch yo epi rann posib yon rankont ak moun nan fanmi w ap chèche a.

      Poukisa li enpòtan pou w enskri fanmi w?

Chak istwa gen enpòtans. Chak enfòmasyon kapab fè yon diferans.

Gen anpil fanmi ayisyen ki pase plizyè ane san yo pa gen nouvèl yon pitit oswa yon lòt manm fanmi yo te bay pou adopsyon. Gen kèk fanmi ki toujou gen dokiman ak foto. Gen lòt ki sèlman gen souvni ak kèk enfòmasyon sou moun y ap chèche a.

Lè w enskri fanmi w, sa pèmèt nou konsève enfòmasyon sa yo, dokimante rechèch yo epi fasilite idantifikasyon moun ki kapab gen lyen familyal ak moun adopte k ap chèche orijin yo.

                              Ki kote ou kapab enskri?

Voie d'Espoir ap devlope yon rezo pwen enskripsyon nan plizyè rejyon ann Ayiti pou l kapab vin pi pre fanmi biyolojik yo. Idantifye rejyon kote w ye a epi kontakte ekip nou an pou w jwenn tout enfòmasyon sou fason ou kapab enskri.

Jwenn pwen enskripsyon ki pi pre w la

Voie d'Espoir ap pwoche pi pre fanmi biyolojik yo atravè diferan pwen kontak li genyen nan peyi Dayiti. Èske w vle enskri fanmi w nan kad rechèch orijin ou?Chwazi rejyon kote w ye a epi kontakte ekip nou an dirèkteman sou WhatsApp pou w konnen kijan pou w enskri. 

Repons kesyon ou yo

• Èske lè m enskri, sa vle di m ap jwenn moun nan fanmi m ap chèche a?

  Non. Enskripsyon an ede fasilite rechèch yo, men li pa garanti n ap jwenn moun w ap chèche a ni nou pral rive òganize yon rankont familyal.

• Èske m kapab enskri menm si m pa konnen nan ki peyi yo te adopte pitit mwen an?

  Wi. Ou kapab pataje tout enfòmasyon ou genyen avèk nou. Ekip nou an ap eksplike w ki posiblite rechèch ki disponib.

• Èske m kapab enskri pou yon lòt moun nan fanmi m?

  Ou kapab kontakte ekip nou an pou w eksplike sitiyasyon w. Kondisyon enskripsyon yo ap depann de lyen familyal ou genyen ak moun nan ansanm ak konsantman ki nesesè yo.

• Èske mwen oblije fè yon tès ADN pou m enskri?

  Non. Enskripsyon ak tès ADN se de demach diferan. Nou kapab pwopoze yon tès ADN lè sa nesesè, selon sitiyasyon an, epi sèlman avèk konsantman w.

• Èske enfòmasyon pèsonèl mwen yo ap pwoteje?

  Voie d'Espoir kolekte enfòmasyon ki nesesè pou rechèch yo epi li aplike pwosedi pou pwoteje konfidansyalite enfòmasyon yo epi respekte konsantman chak moun. Ekip nou an ap eksplike w nan ki kondisyon nou itilize enfòmasyon pèsonèl ou yo.

Istwa w merite pou nou tande l.

Èske w ap chèche yon pitit oswa yon lòt moun nan fanmi w yo te bay pou adopsyon?Kontakte Voie d'Espoir.Ekip nou an la pou koute w, ba w enfòmasyon epi akonpaye w nan demach rechèch ou yo.

Jounen anrejistreman nan Dame Marie, depatman Grandans